თბილისში ZEG - Tbilisi Storytelling Festival-ი გაიმართა - რეგიონში ამბის თხრობის პირველი, საერთაშორისო ფესტივალი, რომელიც Impact Hub Tbilisi-მა და Coda Story-მ 2019 წელს დააარსეს.

ფესტივალი მოიცავდა პანელურ დისკუსიებს, სესიებს, ფილების ჩვენებას, ვორქშოპებს, ქალაქის ტურებსა და არაფორმალურ ღონისძიებებს. ფესტივალის სტუმრებს შესაძლებლობა ჰქონდათ, გაცნობოდნენ ამბის თხრობის და გადმოცემის, როგორც ტრადიციულ, ისე ინოვაციურ მეთოდებს და მიეღოთ ინსპირაცია საკუთარი საქმიანობისთვის.

კინო, მედია, ფოტოგრაფია, განათლება, ლიტერატურა, მეწარმეობა, 

გარემოს დაცვა, ტექნოლოგიები - ეს ის სფეროებია, 

რომელთა შესახებ სამდღიანი ფესტივალის განმავლობაში არაერთი დისკუსია გაიმართა.   

ფესტივალში მონაწილეობს იღებდა 60-მდე პროფესიონალი სხვადასხვა ქვეყნიდან და ინდუსტრიიდან.   

სპეციალურად ფესტივალისთვის თბილისს  ამერიკელი მსახიობი, შონ  პენი ეწვია, რომელმაც ღონისძიება დახურა. 

წელს ZEG-ის ფარგლებში European Press Prize-ის დაჯილდოებაც გაიმართა, რომელიც ერთ-ერთი ყველაზე მასშტაბური ღონისძიებაა მედიასფეროში.  

ZEG - Tbilisi Storytelling Festival-ის ერთ-ერთი მხარდამჭერი წელს m² იყო. 

4 მაისიდან 8 მაისის ჩათვლით Factory Tbilisi-ში საერთაშორისო პროექტის Mercedes-Benz Fashion Week Tbilisi-ის მე-17 სეზონი გაიმართა, სადაც ადგილობრივმა და საერთაშორისო დიზაინერებმა 2023-2024 წლის შემოდგომა/ზამთრის კოლექციები წარადგინეს.

პროექტის მიზანს ქართული მოდის განვითარება და პოპულარიზაცია წარმოადგენდა, როგორც ქვეყნის მასშტაბით, ასევე მის საზღვრებს გარეთ. Mercedes-Benz Fashion Week Tbilisi-ის მოდის კვირეულს ორმოცდაათზე მეტი საერთაშორისო სტუმარი დაესწრო, მსოფლიო მოდის დედაქალაქებიდან, მათ შორის კრიტიკოსები, ბაერები, ცნობილი გამოცემების ჟურნალისტები და რედაქტორები.
წლევანდელი Mercedes-Benz Fashion Week TBILISI-ს გენერალური სპონსორი m² იყო.

პარტნიორობის ფარგლებში, Mercedes-Benz Fashion Week TBILISI-ს ერთ-ერთმა მონაწილე დიზაინერმა, თაკო მექვაბიძემ თავის ჩვენებაზე m²-ის განახლებული გზავნილის - „იცხოვრე შენი ცხოვრებით“ ინსპირაციით შექმნილი სამოსი და აქსესუარები წარმოადგინა.

“ჩემი კოლექციის მთავარი ინსპირაცია სხვადასხვა პროფესიის ქალია. კოსტიუმების სილუეტები მამაკაცის თარგზეა აგებული, რითიც შევეცადე ქალის ძლიერი მხარეები მეჩვენებინა. ძალიან საინტერესო გამოვიდა m² -თან კოლაბორაცია. კომპანიის განახლებული სლოგანი ჩემი ინსპირაციის ერთ-ერთი წყარო გახდა. „იცხოვრე შენი ცხოვრებით“ თითოეული ჩვენგანის შინაგანი დევიზია და ვფიქრობ, ნამუშევრებიც საკმაოდ საინტერესო გამოვიდა“, - თაკო მექვაბიძე, დიზაინერი.

„ჩვენი გზავნილი - „იცხოვრე შენი ცხოვრებით“ უკვე სამოსშია ჩაინტეგრირებული, იმისათვის, რომ ის, როგორც ტენდენცია, როგორც საკუთარი თავის მუდმივ რეალიზებაზე ზრუნვა და სურვილებთან კავშირი უფრო კარგად იყოს გაგონილი და მოსმენილი. სამოსზე მისი დატანა და ტარება მუდმივად გვახსენებს იმას, რომ ჩვენ უნიკალურები, თავისუფლები ვართ და შეგვიძლია ვიცხოვროთ ჩვენი ცხოვრებით, ისე, როგორც არავის უცხოვრია“, - ირინა დუმბაძე ბრენდის განვითარების დეპარტამენტის ხელმძღვანელი
 
m²-ის მისიაა ისეთი ადგილებისა და სივრცეების განვითარება, რომლებიც ადამიანებს გარემოსთან, ოჯახის წევრებთან, საკუთარ თავთან დააკავშირებენ. საკუთარ თავთან კავშირის აუცილებლობის შეხსენებას ისახავდა მიზნად ეს კოლაბორაცია, რომელსაც შეუძლია, სამოსით ყველაზე ახლოს მიიტანოს ადამიანთან გზავნილი.

გვიხარია გაცნობოთ ინფორმაცია m²-სა და Matters-ს შორის საინტერესო კოლაბორაციის შესახებ. m², უძრავი ქონების დეველოპმენტში ლიდერი ბრენდი და Matters, ქალის ტანსაცმლის ონლაინ მაღაზია, რომელიც საქართველოში ქმნის ტრენდულ, ხელით დამზადებულ ტანსაცმელს, ახალ პროექტში ერთად დაუჭერენ მხარს ადამიანის ინდივიდუალურობას, შემოქმედებითობას და თვითგამოხატვას.

კოლაბორაცია დაფუძნებულია m²-ის ძლიერი სლოგანის, "იცხოვრე შენი ცხოვრებით" ირგვლივ, რომელსაც წელს მოწოდება “გაბედე” დაემატა და ის განსაკუთრებულად იქნება წარმოდგენილი Matters-ის ტანსაცმლის კოლექციაში. ეს უნიკალური ხაზი საშუალებას მისცემს ადამიანებს საკუთარი ღირებულებები ტანისამოსის დახმარებით უკეთ წარმოაჩინონ და განსხვავებულად მოახდინონ საკუთარი ცხოვრების ხედვის პრეზენტაცია.

კოლექციის თითოეული ნივთი საქართველოშია დამზადებული და ხელნაკეთია, რაც უნიკალურობისა და მდგრადობისადმი Matters-ის ერთგულებას უსვამს ხაზს, m²-ის სლოგანი კი შთააგონებს და აძლიერებს ადამიანებს, რომ გაბედონ და მიყვნენ საკუთარ სურვილებს, იყვნენ თავისუფლები და იცხოვრონ საკუთარი ცხოვრებით ისე, როგორც არავის უცხოვრია.

"შენი ცხოვრებით ცხოვრება სათქმელად ადვილი, მაგრამ გასაკეთებლად რთულია და მას გაბედვა სჭირდება. ჩვენ გვსურს, რომ ადამიანებს ყოველწამიერად მხარი დავუჭიროთ იმის გაცნობიერებაში, რომ ჩვენ ყველანი ვცხოვრობთ ისე, როგორც არ ცხოვრობს არავინ სხვა. თითოეული ჩვენგანი არის განსხვავებული და განსაკუთრებული. ყველას აქვს თავისი ცხოვრებისეული მისია და საკუთარი გზა, საჭიროა გაბედო და იცხორო შენი ცხოვრებით. სამოსი, ამ შემთხვევაში კი Matters-ის არაჩვეულებრივი კოლექცია, ყოველწამიერი მხარდაჭერის საუკეთესო ინსტრუმენტია, თვითგამოხატვის საუკეთესო საშუალებაა“ ამბობს ირინა დუმბაძე, m²-ის ბრენდის განვითარების დეპარტამენტის ხელმძღვანელი.

"ძალიან გვახარებს m²-თან პარტნიორობა, ბრენდთან, რომელიც იზიარებს ჩვენს შეხედულებებს ინდივიდუალურობის, კრეატიულობისა და მდგრადობის შესახებ. ერთად ჩვენ მომხმარებელს ვთავაზობთ კოლექციას, რომელიც არამხოლოდ უნიკალური და მოხდენილია, არამედ აზრიანი, და ეს აზრი, სიტყვებით, გაბედულად, ტანსაცმელზეა გადატანილი. მოუთმენლად ველით მომხმარებლების რეაქციას” - ამბობს გვანცა უბირია, Matters-ის ერთ-ერთი დამფუძნებელი.

კოლაბორაციის ფარგლებში შექმნილი პროდუქციის ნახვა შესაძლებელია ვებ-გვერდზე www.liveyourownlife.ge, შეძენა კი Matters-ის ვებ-გვერდზე www.matters.ge და შოურუმში, რომელიც მდებარეობს თბილისში, კ. კეკელიძის ქ. N5.

m², ქართულ ბრენდებთან კოლაბორაციით, ახალ პროექტს იწყებს.

პროექტის ფარგლებში, ქართული ბრენდები m²-ის სლოგანის - “იცხოვრე შენი ცხოვრებით” შთაგონებით, სპეციალურ კოლექციას შექმნიან და მისი შეძენა ნებისმიერი მსურველისთვის იქნება შესაძლებელი. კოლექცია ისეთ ნივთებს თუ აქსესუარებს გააერთიანებს, რომელსაც ყოველდღიურ ცხოვრებაში ვიყენებთ, მათ შორის: მაისურები, ლეპტოპის ჩანთები, მობილურის ჩასადებები, სამგზავრო ჩანთები, საპასპორტეები, კიმონოები და სხვა.

ამ ეტაპზე, პროექტში 7 ქართული ბრენდია ჩართული: ჯოვანი მორა, კარპეტერია, ქეისი, ფუნდუკი, ლავსთარსი, ნინეა და მეთერსი. მათი ნაწილი კოლექციაზე მუშაობს, ნაწილმა კი, მუშაობა უკვე დაასრულა.

სპეციალურად პროექტისთვის შეიქმნება ვებ-გვერდი, სადაც კოლაბორაციის ფარგლებში შექმნილი კოლექცია ერთ სივრცეში განთავსდება. ნივთების შეძენა კი პარტნიორი კომპანიების ვებ-გვერდებზე ან მაღაზიებში იქნება შესაძლებელი.
პროდუქციის საჩვენებელი ვერსიები ფიზიკურ სივრცეში, m2-ის გაყიდვების ოფისებშიც იქნება წარმოდგენილი, სადაც მომხმარებელს მათი ადგილზე დათვალიერების შესაძლებლობა ექნება.

„კოლაბორაციის იდეა ბრენდის ახალი პლატფორმის შემოტანისთანავე გაჩნდა და შარშან, Mercedes-Benz Fashion Week Tbilisi-ს კვირეულზე განხორციელდა. ახალი მოწოდება - „იცხოვრე შენი ცხოვრებით“ დიზაინერ თაკო მექვაბიძის კოლექციაში ეფექტურად ინტეგრირდა. მიზანი, მოწოდების ადამიანებთან უფრო ახლოს მიტანა იყო მაშინაც და დღესაც. ჩვენი პარტნიორების პროდუქცია ყოველდღიურ გამოყენებაშია და ჩვენც, ყოველდღე გვინდა შევახსენოთ ადამიანებს -„იცხოვრე შენი ცხოვრებით“, ისე, როგორც არავის უცხოვრია. ყოველთვის იყავი ის, ვინც შენ ხარ, უნიკალური და განსხვავებული“, - ირინა დუმბაძე, m²-ის ბრენდის განვითარების დეპარტამენტის ხელმძღვანელი.

პროექტში ეტაპობრივად კიდევ ჩაერთვება სხვადასხვა ქართული ბრენდი და „იცხოვრე შენი ცხოვრებით“ თემატიკაზე შექმნილი კოლექცია კიდევ უფრო მრავალფეროვანი გახდება.