რემონტი საკმაოდ შრომატევადი და სირთულეებით დატვირთული პროექტია, დიახ პროექტი - შეხედეთ მას როგორც მორიგ პროექტს, რომელიც უნდა დაიწყოთ სწორად და დაამთავროთ გონივრულ ვადაში. ხშირად ადამიანები უშვებენ ისეთ შეცდომებს, როგორიცაა სხვადასხვა სამუშაოების არათანმიმდევრულობა, მასალების არასწორი რაოდენობით შეძენა და არასწორი ვადები; რასაც საბოლო ჯამში მივყავართ ქაოსამდე, არასასურველ შედეგამდე და რაც მთავარია უხარისხო შესრულებამდე. ამიტომ გთავაზობთ რამდენიმე ეტაპს რის მიხედვითაც შეძლებთ სწორად წარმართოთ თქვენი პროექტი სახელად „რემონტი“:1. მოძებნეთ კომპეტენტური ხელოსნების ჯგუფი, დარწმუნდით მათი ნამუშევრების ხარისხიან შესრულებაში, დათქვით კონკრეტულ სამუშაოზე კონკრეტული ვადა და ყოველი ვადის ამოწურვის შემდეგ ჩაიბარეთ შესრულებული სამუშაო. ჩვენი კომპანიის შემთხვევაში, რადგან m² ბინებს რემონტის სრული პაკეტით გთავაზობთ, ეს საკითხი სრულად თქვენგან დამოუკიდებლად ვითარდება, თუმცა ჩვენც ზუსტად იგივე პრინციპით ვმუშაობთ;<img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/a7c236e0-6ebe-44b2-74f9-3922e505bc00/public">2. პირველ რიგში ბინაში ხდება კედლების წყობის დაგეგმარება, შემდეგ კი მიმდინარეობს ელექტროობის, წყალ-გაყვანილობა/კანალიზაციისა და გათბობა/გაგრილების დაქსელვა - ეს მეტად მნიშვნელოვანი ეტაპი გულდასმით და ყურადღებით გაიარეთ. m²-ის მიმდინარე პროექტებში გათბობის შემთხვევაში მობინადრეებს ვთავაზობთ კოლექტორულ სისტემას, რაც გულისხმობს ცალ-ცალკე ოთახების დამოუკიდებლად რადიატორების ჩართვას და გამორთვას, ასევე განსაზღვრავს ბინის ენერგოეფექტურობას. ბინაში ყველა კომუნიკაციის მოწყობის შემდეგ ხდება კედლების მოპირკეთება;3. კედლების ბათქაშის გალესვის შემდეგი საფეხურია იატაკის მოჭიმვა, ამ ეტაპზე უკვე საჭიროა გადაწყვიტოთ თუ როგორ იატაკს შეიძენთ სამომავლოდ, იქნება ეს ლამინატი, სამშრიანი პარკეტი თუ მასიური ხის იატაკი; ვინაიდან ყველა მათგანს სხვადასხვა სიმაღლის იატაკის მოჭიმვა სჭირდება იმისათვის, რომ არ იყოს ოთახებს შორის იატაკის დონეების სხვაობა. m²-ის ბინებში ეს დეტალი მკაცრად არის დაცული, შესაბამისად იატაკზე დონეებს შორის განსხვავებას ვერ შეხვდებით;4. იატაკის მოჭიმვის შემდეგი ეტაპი გახლავთ ჭერის მოწყობა. წინასწარ განსაზღვრეთ როგორი დიზაინით გსურთ ჭერი; თანამედროვე დიზაინში ხშირად გვხვდება ბეტონის ჭერი, თუ აპირებთ დატოვოთ ბეტონი, ის აუცილებელია სპეციალური გრუნტით დაფაროთ, რათა თავიდან აიცილოთ ბეტონის ნაწილაკების მუდმივი მტვერი. თუ თაბაშირმუყაოს ჭერს გადაწყვეტთ, აქაც წინასწარ განსაზღვრეთ დონეები, ასევე საფარდე ჭრილები;<img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/135b63c0-7e6d-4d2a-0371-dc5406562800/public">5. ჭერის მოწყობის პარალელურად შეგიძლიათ სველი წერტილის დაგეგმვაზეც იფიქროთ. სანამ შეიძენთ აბაზანის ფურნიტურას, აუცილებლად წინასწარ გათვალეთ მათი ტექნიკური პარამეტრები და წყობა. იმ ადგილას, სადაც წყალი დიდი ნაკადით ხვდება, ფილების ქვეშ აუცილებლად უნდა გაკეთდეს ჰიდროიზოლაცია. ასევე აუცილებელია შეარჩიოთ წყალგაუმტარი ხარისხის ფუგა (ფილებს შორის შემავსებელი). ფილების შეძენისას დააკვირდით თუ რისთვის არის განკუთვნილი, ხშირად უშვებენ შეცდომას და კედლის ფილას აკეთებენ იატაკზე, რაც დაუშვებელია. უკეთესი ვიზუალის მისაღებად არ გამოიყენოთ ე.წ. კუთხოვანა გადამყვანები, უმჯობესი იქნება თუ ხელოსანი 45 გრადუსიანი ჭრით დაამუშავებს ფილებს;6. როდესაც სველი წერტილისა და სამზარეულოს ფილების მოწყობას დაასრულებთ, შეგიძლიათ კედლების სამღებრო სამუშაოებზე იფიქროთ. m²-ის ბინებში კედლებზე ხშირად ვიყენებთ ფლიზელინის ქაღალდ-შპალერს, ვინაიდან მისი ღებვა სხვადასხვა ტონალობის ფერში მარტივადაა შესაძლებელი;<img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/b9b7f3a7-7d2b-4354-8669-afcdecd07f00/public">7. ზემოთ ჩამოთვლილი სამუშაოების დასრულების შემდგომ, ბინაში უნდა დაეგოს იატაკი, მოეწყოს შიდა კარი და პლინტუსი, ასევე დამაგრდეს როზეტ-ჩამრთველების ელ. ფურნიტურა, რაც სრულად დასრულებულ სახეს აძლევს ბინას.იმისათვის რომ ბინას, თქვენი ინდივიდუალიზმი შესძინოთ, დაიწყეთ ავეჯის, დეკორისა და სანათების შერჩევა, ვინაიდან სწორედ ეს დეტალები ქმნიან ჰარმონიას თქვენს ყოველდღიურ ცხოვრებაში.

რემონტი საკმაოდ შრომატევადი და სირთულეებით დატვირთული პროექტია, დიახ პროექტი - შეხედეთ მას როგორც მორიგ პროექტს, რომელიც უნდა დაიწყოთ სწორად და დაამთავროთ გონივრულ ვადაში. ხშირად ადამიანები უშვებენ ისეთ შეცდომებს, როგორიცაა სხვადასხვა სამუშაოების არათანმიმდევრულობა, მასალების არასწორი რაოდენობით შეძენა და არასწორი ვადები; რასაც საბოლო ჯამში მივყავართ ქაოსამდე, არასასურველ შედეგამდე და რაც მთავარია უხარისხო შესრულებამდე. ამიტომ გთავაზობთ რამდენიმე ეტაპს რის მიხედვითაც შეძლებთ სწორად წარმართოთ თქვენი პროექტი სახელად „რემონტი“:

გაიგე მეტი რემონტის 7 ეტაპის და მისი სწორად დაგეგმვის შესახებ

პირველი საკონკურსო ეტაპი, რომელიც m²-მა და <a target="_blank" rel="noopener noreferrer nofollow" class="underline cursor-pointer text-blue-500" href="http://Homeis.ge">Homeis.ge</a>-მ ერთობლივად გამოაცხადა, დასრულდა. I ტურის გამარჯვებულების ვინაობა ცნობილია.უამრავი საინტერესო და კრეატიული ჩანახატიდან 15 შეირჩა და ავტორებმა&nbsp;უკვე მიიღეს 25 მარტამდე წარმოსადგენი ახალი დავალება. დასახელდება 3 რჩეული, რომლებიც ფულად ჯილდოს, გუდაური ლოჯის ვაუჩერსა და m²-ში კონტენტ მენეჯერის პოზიციაზე დასაქმების შეთავაზებას მიიღებს! თუ გსურთ ავტორების ნამუშევრების წაკითხვა, შეგიძლიათ დაათვალიეროთ აქვე.ჩვენ მადლობას ვუხდით თითოეულ კონკურსანტს მონაწილეობისთვის, გამარჯვებულებს კი ვულოცავთ შემდეგ ტურში გადასვლას.წარმატებებს გისურვებთ!

პირველი საკონკურსო ეტაპი, რომელიც m²-მა და Homeis.ge-მ ერთობლივად გამოაცხადა, დასრულდა

ხშირად ადამიანები, განსაკუთრებით კარგ ამინდში, დროის უმეტეს ნაწილს სწორედ აივანსა თუ ტერესაზე ატარებენ, ამიტომ უმჯობესია თუ ამ ფართის დაგეგმვასა და სიმყუდროვის შექმნაზე მეტ ენერგიას დახარჯავთ. ვეცდებით ჩვენი გამოცდილებით გაგიზიაროთ, რამდენიმე მნიშვნელოვანი საკითხი.თავდაპირველად გაზომეთ საზაფხულო ფართი (სიგრძე/სიგანე/სიმაღლე) და შემდეგ დაიწყეთ ფიქრი, თუ როგორ მოაწყობთ მას. m²-ის ბინებში, აივნების მოაჯირის სიმაღლე ყველგან 1,10მ-ია, ხოლო მოაჯირის ტიპი მაქსიმალურად მორგებულია ბავშვის უსაფრთხოებაზე. ჩვენს პროექტებში დიდი ყურადღება ექცევა საქვაბისა და კონდიციონერის გარე აგრეგატის მოწყობის ადგილს, ყველა ბინაში ეს ტექნიკური დეტალი ჩაშენებულია სპეციალურად განკუთვნილ კარადაში, რომელიც უზრუნველყოფს მის გამართულ მუშაობას და ასევე ვიზუალურ მხარეს.<img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/420ee973-d2ac-431b-51bd-15e354524300/public">გამოიყენეთ მეტი ბუნებრივი მასალა, ხე, ბამბუკი, მოწნული ტიპის ავეჯი და ა.შ. რადგან საზაფხულო ფართი ბუნებასთან და ეზოსთან ასოცირდება. სწორედ ამიტომ, m²-ის ბინებში იატაკზე ხშირად ვიყენებთ ხის ფაქტურის ყინვაგამძლე კერამო-გრანიტის ფილას.განათება&nbsp;- უმნიშვნელოვანესი ფაქტორია, რომელსაც შეუძლია თქვენი ფართი ვიზუალურად გაზარდოს, საღამოს კი მეტი სიმყუდროვე შექმნას. ყურადღება მიაქციეთ როზეტებს და ეცადეთ მასთან ახლოს განათავსოთ სამომავლოდ ავეჯი. როზეტების დახმარებით, კი შეგიძლიათ გამოიყენოთ სხვადასხვა ტიპის სანათი. m²-ის პროექტების დაგეგმვისას, ყველა ბინის აივანზე აუცილებლად ერთ გარე გამოყენების როზეტს და სანათს ვითვალისწინებთ.<img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/c9fb2f1a-aa10-4d19-1fa6-3c947e89a600/public">მყუდრო და კომფორტული ავეჯი&nbsp;- აქ სრულიად თქვენს გემოვნებას უნდა მიენდოთ. მთავარია სწორად განსაზღვროთ თქვენს მიერ შერჩეული ავეჯის გაბარიტები, რათა სივიწროვე აირიდოთ თავიდან. ასევე, ყურადღება მიაქციეთ მასალას, რადგან როგორც წესი, აივნის ავეჯი უფრო მალე გამოდის მწყობრიდან ვიდრე ინტერიერის, ამიტომ აუცილებელია ხარისხიანი და გამძლე ავეჯის შერჩევა, გარე კლიმატის გათვალისწინებით. უმჯობესია, პატარა ფართისთვის შეიძინოთ ან დაამზადებინოთ სავარძელი/დივანი, რომელსაც ექნება დამატებითი სათავსო. ასევე შეგიძლიათ გამოიყენოთ ტრანსფორმირებადი მაგიდა, რომელსაც მარტივად დაკეცავთ ან გაშლით.ტექსტილი და დეკორი&nbsp;- სასურველია სხვადასხვა ტექსტილის გამოყენება, ჩალი, გობელენი, მოწნული ნივთები, ბალიშები და ნოხი მეტი სიმყუდროვისთვის. ფერების შეცვლა და გადახალისება პერიოდულად მარტივად შესაძლებელია ბალიშების მეშვეობით. გარდა ვიზუალური მხარისა, უპირატესობა მიანიჭეთ ისეთ წყალგამძლე ტექსტილს, რომელიც გათვლილია გარე გამოყენებისათვის. ტექსტილი და დეკორი არის ის ნაწილი, რომელიც ასრულებს და საბოლოო სახეს აძლევს დიზაინს.<img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/4c241145-39d3-4d07-b9ac-6e6fc3e66c00/public">გამწვანება&nbsp;- ალბათ დამეთანხმებით, რომ აივანი გამწვანებისა და მცენარეების გარეშე მთელ ხიბლს კარგავს. გამოიყენეთ სხვადასხვა ზომისა და ფორმის მცენარეები, რომლებიც შეგიძლიათ დაკიდოთ ჭერზე ან მოაჯირზე, ან უბრალოდ დადგათ დიდი ქოთნით. აუცილებლად გაიარეთ კონსულტაცია ფლორისტთან და სწორად შეარჩიეთ მცენარეები მზიანი თუ ნაკლებად მზიანი ადგილებისთვის.ყველა ზომის აივანსა თუ ტერასაზე შეგიძლიათ შეიქმნათ სიმყუდროვე და თქვენთვის სასურველი გარემო. მნიშვნელოვანია არა აივნის ფართი, არამედ რამდენად სწორადაა დაგეგმილი და გააზრებული არსებული სივრცე. ზემოთ ჩამოთვლილი ყველა საკითხი კი დაგეხმარებათ მიხვიდეთ სასურველ შედეგამდე.

ხშირად ადამიანები, განსაკუთრებით კარგ ამინდში, დროის უმეტეს ნაწილს სწორედ აივანსა თუ ტერესაზე ატარებენ, ამიტომ უმჯობესია თუ ამ ფართის დაგეგმვასა და სიმყუდროვის შექმნაზე მეტ ენერგიას დახარჯავთ. ვეცდებით ჩვენი გამოცდილებით გაგიზიაროთ, რამდენიმე მნიშვნელოვანი საკითხი.

როგორ მოვაწყოთ აივანი?

განათება ინტერიერის ერთ-ერთი უმნიშვნელოვანესი ფაქტორია, რომელიც მას საინტერესო, მყუდრო, კომფორტულ და განსაკუთრებულ სივრცედ აქცევს. m²-ში არსებული სტანდარტების შესაბამისად, მოგცემთ რამდენიმე სასარგებლო რჩევას, რაც დაგეხმარებათ სწორად და პრაქტიკულად გაანაწილოთ განათების წერტილები ბინაში: • ოთახის მოცულობიდან გამომდინარე, შესაძლოა ჭერის განათება დაიყოს ზონებად. • ჰოლში, რამდენიმე წერტილის არსებობის შემთხვევაში, უმჯობესია განათება იყოს წერტილოვანი, რათა არ მოხდეს სივრცის გადატვირთვა. • საერთო ოთახში, სადაც სამზარეულო და მისაღები ერთ სივრცეშია, უკეთესია გააკეთოთ ინდივიდუალური სანათი და ჩამრთველი. ძალიან აქტუალურია სამზარეულოს ზონაში ე.წ. რელსის სანათი, რომელიც იძლევა საშუალებას სინათლე მიმართოთ თქვენთვის სასურველი მიმართულებით. საერთო ოთახში სანათი უმჯობესია გააკეთოთ ოთახის ცენტრში. ასევე, დამატებით ძალიან მყუდრო და კომფორტულ გარემოს ქმნის სასადილო მაგიდის თავზე არსებული განათება. <img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/d6ad7769-1f01-4746-7414-be41a990ec00/public"> • საძინებელში, ტუმბოებთან შესაძლებელია გაკეთდეს როგორც ჭერიდან დაშვებული, ისე ტუმბოს/მაგიდის სანათი. განათება არ უნდა იყოს ძალიან მკვეთრი, რათა შენარჩუნდეს მშვიდი და ჰარმონიული გარემო. აქტიურად გამოიყენება ე.წ. რელსის სანათი და საფარდე ჭრილის განათება, რომელიც საძინებლის ინტერიერს მყუდროს ხდის. • რადგან თავს ძირითადად სველ წერტილში ვიწესრიგებთ, ძალიან მნიშვნელოვანია სწორად დაგეგმილი განათება. სასურველია, ჭერის განათება იყოს მკვეთრი ნათების. სანათი დაგვჭირდება სარკესთანაც, ასევე აქტუალურია სარკე განათებით. • ჩვენს კომპლექსებში აივნის განათებას ძირითადად ვაკეთებთ კარის თავზე, თუმცა შესაძლებელია დაიგეგმოს აივნის ჭერის ცენტრშიც. ელ. წერტილების სწორი განლაგება ბინაში ძალიან მნიშვნელოვანია კომფორტული ცხოვრებისთვის. m2-ში გამოყენებული სტანდარტების თქვენთვის გაცნობით, შევეცდებით გაგიადვილოთ მომავალში ელ. წერტილების დაგეგმვის პროცესი: • ჰოლში კართან მაქსიმალურად ახლოს უნდა განთავსდეს დომოფონი და განათების ჩამრთველი. ელ. კარადა სასურველია გააკეთოთ ჰოლის კარადაში ან შემოსასვლელი კარის უკან, რომ არ იყოს თვალში მოსახვედრი. მნიშვნელოვანია წინასწარ განსაზღვროთ კონსოლის დადგმის საჭიროება და ამ შემთხვევაში მისი განათებისთვის გავითვალისწინოთ როზეტი. • ჩვენს პრაქტიკაში სამზარეულოს ტექნიკისთვის განკუთვნილ როზეტებს ვაკეთებთ ქვევით, სამზარეულოს კარადების უკან, ისე, რომ არ ჩანდეს, ხოლო სამზარეულოს სამუშაო ზედაპირზე სასურველია მინიმუმ ორი როზეტის არსებობა, ეს უკანასკნელი დამოკიდებულია სამზარეულოს ზომაზე. <img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/6115bd41-34fa-4c20-b627-ea518d3deb00/public"> • დღევანდელი ცხოვრების წესიდან გამომდინარე, როდესაც ტექნიკა ცხოვრების განუყოფელი ნაწილია, სასურველია ყველა სივრცესთან სადაც ხშირად ვართ - დივანი, სასადილო მაგიდა, ყავის მაგიდა და ა.შ. გავაკეთოთ როზეტები. ასევე, თუ დამატებით სანათის/ტორშერის დადგმას გეგმავთ დივანთან ან ყავის მაგიდასთან, წინასწარ უნდა განისაზღვროს მისი ელ. წერტილი. • ტელევიზორის წერტილის განსაზღვრამდე აუცილებელია თავიდანვე გათვალოთ მის დადგმას აპირებთ, თუ კედელზე დაკიდება გსურთ. ამის მიხედვით უნდა მოხდეს შესაბამის სიმაღლეზე წერტილების დაგეგმვა.<img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/ef2457df-9e3f-4f23-ab3b-4216bd5bce00/public"> • საძინებელში, საწოლის ზომის და სტილის შესაბამისად ვაკეთებთ ტუმბოს როზეტების მდებარეობის განსაზღვრას. • ჩვენთვის, ჩვენი მობინადრეების უსაფრთხოება ძალიან მნიშვნელოვანია, ამიტომ სველ წერტილში როზეტს და ჩამრთველს ვაკეთებთ ნიჟარისგან მოშორებით და ოდნავ ზევით. • რაც შეეხება აივანს, აუცილებელია გაკეთდეს გარე სამომხმარებლო როზეტი, ისეთ კედელზე და სიმაღლეზე, სადაც წვიმის წყალი ნაკლებად მოხვდება. • წინასწარ უნდა განისაზღვროს ბინაში და საქვაბეში კონდიციონერისთვის განკუთვნილი გაყვანილობა, ასევე გათბობის ქვაბისთვის ელ. წერტილები. • ელ. ფურნიტურის ფერის შერჩევისას მნიშვნელოვანია გავითვალისწინოთ ინტერიერში არსებული ფერები, მაგალითად, თუ შიდა კარი არის თეთრი, ასევე აბაზანაში თეთრი ფურნიტურაა უმჯობესია გავაკეთოთ თეთრი ჩამრთველები და როზეტები. მუქი კარების, შავი სამზარეულოს ტექნიკის და შავი შემრევების შემთხვევაში, ელ. ფურნიტურაც უმჯობესია გავაკეთოთ შავი; • სასურველია ბინის ყველა სანათი და ელ. ფურნიტურა ჰარმონიაში მოდიოდეს. ერთმანეთთან და კარგად ერწყმოდეს ბინის დიზაინის კონცეფციას. ნინო ელისაშვილი - m²-ის ინტერიერის დიზაინერი

განათება ინტერიერის ერთ-ერთი უმნიშვნელოვანესი ფაქტორია, რომელიც მას საინტერესო, მყუდრო, კომფორტულ და განსაკუთრებულ სივრცედ აქცევს.

როგორ დავგეგმოთ განათება და ელ. წერტილები ინტერიერში

ბინის დაგეგმარება დიდი გამოწვევაა - თითოეული ბინა ჩვენი სურვილებივით ინდივიდუალურია, კარგად შეაფასეთ თქვენი ბინის შესაძლებლობები და შეეცადეთ, სწორად აღიქვათ სივრცე. m²-ს უკვე 3,000-მდე ბინა აქვს ჩაბარებული. გადავწყვიტეთ, ჩვენი გამოცდილება თქვენც გაგიზიაროთ - გთავაზობთ 5 რჩევას, რაც ბინის დაგეგმარებისა და მოწყობის პროცესს უფრო მარტივსა და სასიამოვნოს გახდის: 1. სწორად აღიქვით სივრცე პირველ რიგში, შეაფასეთ ფართი რამდენიმე კრიტერიუმით:&nbsp;ფანჯრების რაოდენობა, ბუნებრივი განათება, ჭერის სიმაღლე და კონსტრუქციული ნაწილი - კოლონა და საკომუნიკაციო შახტები, რადგან კონსტრუქციული ნაწილის შეცვლა და კორექტირება შეუძლებელია. <img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/a124e78f-95ed-40e7-699b-71ed635b9e00/public"> m²-ის ბინების დაგეგმარებისას სწორედ ამ კრიტერიუმებს ვითვალისწინებთ, რათა ჩვენს მობინადრეებს შევუქმნათ მაქსიმალურად ხელსაყრელი გარემო საკუთარი ბინის მოსაწყობად. 2. განსაზღვრეთ პრიორიტეტები წარმოიდგინეთ როგორი ბინა გსურთ - რა მოგწონთ ყველაზე მეტად?&nbsp; რა თქმა უნდა, ფიქრს ოთახების რაოდენობით ვიწყებთ. პირველ რიგში, განსაზღვრეთ რამდენი საძინებელი გჭირდებათ. იზოლირებული სამზარეულო გსურთ? ან იქნებ ღია, სტუდიოს ტიპის სივრცე უფრო მოუხდება თქვენი&nbsp; ცხოვრების სტილს? თუ სივრცე გაქვთ, მაგრამ მეორე საძინებლის აუცილებლობას ვერ ხედავთ, შეგიძლიათ კაბინეტი ან ბავშვების ოთახი მოაწყოთ. <img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/e011e5b0-b9bc-49b3-c7c6-9239812fa700/public"> როდესაც ყველა ამ კითხვას გასცემთ პასუხს, უკვე შეგიძლიათ ავეჯსა და დამატებით მოწყობილობებზე იფიქროთ. მაგალითად, King Size ლოგინი გსურთ თუ შედარებით მცირე ზომის? ან საშხაპე გირჩევნიათ თუ აბაზანა? თუ ამ დეტალებზე თავიდანვე ჩამოყალიბდებით, ბინის სივრცის განსაზღვრაც რთული აღარ მოგეჩვენებათ, ვინაიდან ყველა ავეჯსა თუ მოწყობილობას გააჩნია სტანდარტული ზომები, რომელიც შემდგომში უნდა დაიცვათ დისკომფორტის თავიდან ასაცილებლად. 3. გაითვალისწინეთ სტანდარტები და ზომები არსებობს საერთაშორისოდ მიღებული ზომები და სტანდარტები, რომლებიც სივრცის გადანაწილებას გაგიმარტივებთ.&nbsp;m²-ის ბინებში ამ დეტალებს ზედმიწევნით ვითვალისწინებთ, ახლა კი თქვენც გაგიზიარებთ რამდენიმე რჩევას:<img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/edcd74a3-2de1-4a4b-d9ac-25e1af55a300/public"> მაგალითად, ჰოლის/დერეფნის სიგანე არ უნდა იყოს 1.10 მეტრზე ნაკლები, რომ შემდეგ შეძლოთ ავეჯისა და ტექნიკის შეტანა ზედმეტი გართულების გარეშე. თავიდანვე განსაზღვრეთ ტელევიზორისა და დივნის ან სავარძლის დაშორებაც, სწორედ ეს დაგეხმარებათ განსაზღვროთ ტელევიზორის ზომები. აბაზანაში საშხაპისთვის მინიმუმ 90X90- ზე მონაკვეთი დატოვეთ, რათა სრულფასოვნად მოიხმაროთ შხაპი და თავისუფლადაც იმოძრაოთ.&nbsp;სამზარეულოს ზონაში კი შეეცადეთ, მაცივარი და გაზის ზედაპირი ერთმანეთთან ახლოს არ იყოს, ეს ორივე მოწყობილობის გამართულად მუშაობას შეუშლის ხელს.&nbsp;ასევე, ჭურჭლის სარეცხი მანქანა მოათავსეთ ნიჟარის გვერდით - ასე მანქანაში ჭურჭლის შეწყობას მარტივად შეძლებთ. გახსოვდეთ, სამზარეულოს კარადები 90 გრადუსით სრულფასოვნად უნდა იღებოდეს, რათა ყველა სათავსოს გამოყენება შეძლოთ. 4. ოთახების და სივრცეების ზონირება ბინის გეგმარებისას აუცილებელია სწორი ზონირება, რათა სხვადასხვა დანიშნულების სივრცე გამოყოთ ერთმანეთისგან და შექმნათ მეტი სიმყუდროვე. მნიშვნელოვანია ყველა ოთახს ინდივიდუალური შესასვლელი ჰქონდეს. მაშინაც კი, თუ არჩევანი სტუდიოს ტიპის წყობაზე შეაჩერეთ, შეგიძლიათ მისაღები და სამზარეულო ზონა ერთმანეთისგან გამოყოთ. თუ კი სამუშაო მაგიდის მოწყობა საძინებელში გადაწყვიტეთ, შეეცადეთ, სამუშაო და მოსასვენებელი სივრცე ერთმანეთისგან დამოუკიდებელი იყოს. თანამედროვე დიზაინში ზონირების ბევრი სხვადასხვა ხერხი არსებობს, ღია თაროები, ბუნებრივი მცენარეები, განათება, კედლის ფერები, განსხვავებული ჭერი, ვიტრაჟული ტიხარი და ა.შ. <img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/77738599-953e-4ab2-1f40-805cb3e12f00/public"> ჩვენს პროექტებში ხშირად ვიყენებთ იატაკის ზონირებას, მაგალითად, სტუდიოს ტიპის მისაღებ ოთახში ლამინატია დაგებული, სამზარეულოს ნაწილი კი კერამიკული ფილებითაა მოპირკეთებული. 5. წარმოიდგინეთ ავეჯის განლაგება წინასწარ&nbsp;ხშირად გეგმარებისას მთავარ აქცენტებს ვაკეთებთ კედლებსა და ჭერზე, თუმცა გვავიწყდება, რომ ავეჯის დადგმის შემდეგ ინტერიერი სრულიად სხვა სახეს მიიღებს. ავეჯის წინასწარი განლაგება გვეხმარება შემდგომში მის შეძენაშიც. აუცილებელია წინასწარ განისაზღვროს როგორ განვალაგებთ სამზარეულოს ავეჯს და ტექნიკას, ასევე მნიშვნელოვანია, თავიდანვე შეარჩიოთ სასადილო მაგიდის ადგილი და გადაწყვიტოთ სკამების რაოდენობა - 4 გინდათ თუ 6? კუთხის დივანი გირჩევნიათ, თუ სამეული? ტელევიზორი უნდა დაიკიდოს თუ დაიდგას? იფიქრეთ ამ დეტალებზე თავიდანვე, რათა მიხვდეთ რისი ადგილი გრჩებათ.ხშირად ვითვალისწინებთ მხოლოდ ოთახის კვადრატულობას, რაც არასწორი მიდგომაა. უნდა აღვიქვათ ოთახის ფორმა, გაბარიტები და მოვარგოთ ინტერიერი ბუნებრივი განათების წყაროს. თუკი თავიდანვე განვსაზღვრავთ პრიორიტეტებს და სწორად აღვიქვამთ სივრცეს, შევძლებთ ჩვენი ბინისგან მივიღოთ სწორედ ის, რაც ყველაზე მეტად გვსურს. <img src="https://cdn.mdello.com/cdn-cgi/imagedelivery/d_EE26O5eWcJDRYn-qMBOg/929379c0-1e50-4ec4-6117-776c1dc33600/public"> m²-ის კომპლექსების მშენებლობის ყოველ ეტაპზე მთავარი პრიორიტეტი მობინადრეების კომფორტია, სწორედ ამიტომ, ჩვენს ბინებში გათვალისწინებულია&nbsp; ყველა ზემოხსენებული დეტალი - სწორადაა განსაზღვრული კონსტრუქციული&nbsp; ნაწილები და ბუნებრივი განათება, ოთახების ზონირება, ინდივიდუალური გათბობა-გაგრილებისა თუ ელექტრობის სქემები და შექმნილია სივრცე საოცნებო ბინის&nbsp; მოსაწყობად. ანანო მეგრელიშვილი -&nbsp;m²-ის ინტერიერის დიზაინერი

ბინის დაგეგმარება დიდი გამოწვევაა - თითოეული ბინა ჩვენი სურვილებივით ინდივიდუალურია, კარგად შეაფასეთ თქვენი ბინის შესაძლებლობები და შეეცადეთ, სწორად აღიქვათ სივრცე.

როგორ დავაგეგმაროთ ბინის შიდა სივრცე? - 5 რჩევა ანანო მეგრელიშვილისგან

„ჩემი ოთახი“ ფრაზაა, რომლითაც, ფსიქოლოგების აზრით, ბავშვები პირადი სივრცის არსებობის სურვილს გამოხატავენ და ამ ადგილის აღქმას იწყებენ. ბავშვის ოთახის მოწყობა ერთ-ერთი ყველაზე მხიარული და სასიამოვნო მოვლენაა, მაგრამ, ეს არც თუ ისეთი მარტივი საქმეა.სინათლე, ჰაერი, კომფორტი და ფუნქციონალური გადანაწილება ისე უნდა იყოს გათვალისწინებული, რომ ბავშვის პერსონას, მის გემოვნებას და გატაცებებს&nbsp;მოერგოს.<img src="https://imagedelivery.net/d_EE26O5eWcJDRYn-qMBOg/6f76d4b5-8eec-48d7-4d48-6d65801ff600/public">ბავშვის ოთახი ისე უნდა იყოს დაგეგმარებული, რომ სწორად მოხდეს მათი ფიზიკური და გონებრივი განვითარება.&nbsp;სივრცის სწორი დაგეგმარებასასურველია ოთახი დაიყოს რამდენიმე ზონად -&nbsp;ძილისთვის,&nbsp;თამაშისა და სწავლისთვის. ზონირებისთვის იყენებენ დეკორატიულ თაროებს, დივანს, ლოგინს ან ხალიჩას. ყველაფერი ოთახის გაზომვიდან იწყება, შემდეგ კი ავეჯის გადანაწილება ხდება.ძილიძილის ზონა ყველაზე მთავარი სივრცეა, რადგან მშვიდი ძილი მენტალური და ფიზიკური ჯანმრთელობის მთავარი განმაპირობებელი ფაქტორია. კუთხე მშვიდი და მყუდრო უნდა გახადოთ. ლოგინთან სასურველია სანათი და ბავშვის საყვარელი დეკორატიული ნივთები დადგათ. საწოლის უკან შეგიძლიათ დაკიდოთ ფერადი პანო.&nbsp;<img src="https://imagedelivery.net/d_EE26O5eWcJDRYn-qMBOg/c6da693d-f0ea-4aa4-4361-acf65bcd9c00/public">თამაშითამაში, სწავლაზე არანაკლებ ანვითარებს ბავშვს - როლების მორგება სხვადასხვა უნარის შეძენასა და დახვეწას იწვევს მასში. სათამაშო ზონის განსაზღვრის დროს უნდა გაითვალისწინოთ, რა მოსწონს თქვენს შვილს: დედაა, მეცნიერია,&nbsp;კოსმონავტი, სპაიდერმენი, ექიმი თუ მასწავლებელი. ლეგოს თამაშობს, დამალობანას თუ მუსიკას უსმენს.სათამაშო ზონაში სტანდარტული ავეჯის ნაცვლად უკეთესია რბილი ბალიშები გამოიყენოთ, ეს მათ მეტ სივრცეს, მშობლებს კი უსაფრთხოების განცდას&nbsp;მოგანიჭებთ.&nbsp;&nbsp;<img src="https://imagedelivery.net/d_EE26O5eWcJDRYn-qMBOg/d560bfeb-f52c-4048-120f-4cb5bcd68800/public">სწავლაბავშვობის ასაკში სწავლას განსაკუთრებული ძალისხმევა და მიჩვევა სჭირდება. ეს სივრცე ისეთი უნდა იყოს, რომ სწავლის, შემეცნების განწყობა შექმნას. აქ დაგჭირდებათ თაროები და სათავსოები წიგნების, რვეულებისა და სასკოლო ატრიბუტებისთვის. გლობუსი, გამადიდებელი შუშა, რუკები ბავშვებს აღმოჩენების კეთებისკენ უბიძგებენ.&nbsp;რაც შეეხება სამუშაო მაგიდასთან ჯდომას, ბავშვი ამ&nbsp;მდგომარეობაში 90 გრადუსიან კუთხეს უნდა ქმნიდეს, ეს აუცილებელია მისი სწორი ფიზიკური ჩამოყალიბებისთვის.&nbsp;განათება ოთახშიგანათება ბავშვის ბიოლოგიურ რიტმთან შესაბამისი უნდა იყოს.&nbsp;ერთი ცენტრალური ჭაღი ბავშვის ოთახისთვის საკმარისი არ არის, მას საწოლის თავზეც აუცილებლად სჭირდება ბრა, ხოლო მაგიდაზე - სამუშაო ნათურა.თუკი გადაწყვეტთ m²-ის&nbsp;პროექტებში ბინის შეძენას, ნახავთ, რომ ყველა ოთახში, მისი ზომისა და ფორმიდან გამომდინარე, ყოველთვის სწორად არის დაგეგმილი განათების წერტილები და საწოლის განსათავსებელი, ძილის სივრცე.&nbsp;<img src="https://imagedelivery.net/d_EE26O5eWcJDRYn-qMBOg/26fc9ea1-09be-4a09-4d92-6c948f53ca00/public">სპეციალურად შერჩეული დიზაინიროდესაც ოთახის გეგმარებას დაასრულებთ, გადადით ფერების არჩევაზე.&nbsp;ბავშვს უნდა სჯეროდეს, რომ&nbsp;ოთახი მისი სურვილისამებრ ეწყობა, თქვენი ჩართულობით კი მხოლოდ ეხმარებით მას.დიზაინერები ბავშვის ოთახში პასტელურ და თბილ ფერებს იყენებენ. ასევე, შეგიძლიათ გამოიყენოთ ერთი კედლის დეკორი, რაც გულისხმობს კედლის შედარებით მუქი, განსხვავებული ტონალობით გამოყოფას. სწორედ ამ მიდგომით ვთავაზობთ ჩვენს მობინადრეებს ოთახების მოწყობას.და ბოლოს, რომელი ოთახი ავარჩიოთ ბავშვისთვის?არჩევის დროს&nbsp;არის რამდენიმე საკითხი, რომელიც ყურადღებას იმსახურებს.სასურველია, საბავშვო ოთახისთვის შეარჩიოთ მზიანი მხარე და ოთახთან ახლოს იყოს&nbsp;სველი წერტილი.იმედი გვაქვს ჩვენი ბლოგი საქმეს გაგიმარტივებთ და თქვენი პატარა კმაყოფილი დარჩება.

„ჩემი ოთახი“ ფრაზაა, რომლითაც, ფსიქოლოგების აზრით, ბავშვები პირადი სივრცის არსებობის სურვილს გამოხატავენ და ამ ადგილის აღქმას იწყებენ. ბავშვის ოთახის მოწყობა ერთ-ერთი ყველაზე მხიარული და სასიამოვნო მოვლენაა, მაგრამ, ეს არც თუ ისეთი მარტივი საქმეა