საცხოვრებელი კომპლექსი m² ნუცუბიძეზე თბილისში, შ. ნუცუბიძის N82-ში აშენდა. საცხოვრებელი სახლი შედგება 4 სადარბაზოსაგან და მოიცავს 221 ბინას. ნუცუბიძის ქუჩის მხრიდან გათვალისწინებულია კომერციული ფართები. 

პროექტი დაფინანსდა საერთაშორისო საფინანსო კორპორაციისა (IFC) და კანადის მთავრობის მიერ, 14 მილიონი აშშ დოლარის მოცულობის განახლებადი გრძელვადიანი სესხით, საიდანაც 4 მილიონი აშშ დოლარი კანადის მთავრობამ გამოყო ენერგოეფექტური პროექტების განხორციელების მიზნობრიობით.

კომპლექსის უპირატესობები:

• მოსახერხებელი მდებარეობა - მეტრო ვაჟა-ფშაველადან 300 მეტრის მანძილზე, სამი მხრიდან სამანქანო მისასვლელით; 

• ეფექტური დაგეგმარება - შენობა იდეალურად არის მორგებული რელიეფს, რის გამოც, მზის სხივები დღის განმავლობაში, მთელს კომპლექსზე ეფექტურად ნაწილდება;

• 2-სართულიანი ავტოსადგომი 86 ავტომანქანისთვის;

• შიდა ეზო დიდი სპორტული მოედნით, მოსასვენებელი და საბავშვო ზონებით;

• 23%-მდე ენერგოეფექტურობა - დათბუნებული კედლები; ორმაგი მინა-პაკეტის კარ-ფანჯარა; დაბალი ენერგიის მოხმარების ელექტრონათურები;

• საერთაშორისო სტანდარტების შესაბამისი ხანძარსაწინააღმდეგო სისტემები -  ხანძრის დეტექტორები  ყველა სართულზე და ხანძარმედეგი კარი ჰოლებში;

• კომფორტი და უსაფრთხოება - კომპლექსის მოვლის მომსახურება მოიცავს დაცვას, სადარბაზოების დასუფთავებასა და გამწვანების მოვლას.

მაცხოვრებლებს სახლები ჩაბარდათ დასრულებული რემონტით, სამზარეულოთი, ჩაშენებული გაზქურითა და გამწოვით.